गाडीको ठक्करबाट पैदलयात्रीको मृत्यु

भक्तपुर : भक्तपुरमा गाडीको ठक्करबाट पैदलयात्रीको मृत्यु भएको छ। मृत्यु हुनेमा चाँगुनारायण नगरपालिका-५ पिखेलका ७२ वर्षीया केकई मग्रराती मगर रहेकी छन्। 

चाँगुनारायण नगरपालिका-३ कोल्पाकोट ओरालोस्थित सडकमा व्यासीबाट झौखेलतर्फ जाँदै गरेको प्रदेश ३-०१-००३ क ४६३७ नम्बरको गाडीको ठक्करबाट उनी गम्भीर घाइते भएकी थिइन्। 

उनको काठमाडौं मेडिकल अस्पताल दुवाकोटमा उपचारका क्रममा शुक्रबार दिउँसो मृत्यु भएको हो। गाडी चालकलाई प्रहरीले नियन्त्रणमा लिएको छ।