नगरप्रमुखद्धारा ६ लेन सडकमा लगाउन थालिएको तारजालीको अनुगमन

धनगढी : ६ लेन सडकमा लगाउन थालिएको तारजालीको गोदावरी नगरपालिकाका नगरप्रमुख विरेन्द्र भट्टले अनुगमन गरेका छन । ६ लेन सडकको डिभाईडरमा नगरपालिकाले लगाउन थालेका तारजालीहरुको मंगलबार नगरप्रमुख भट्ट सहित, नगरप्रवत्ता गोपाल दत्त भट्ट, कार्यपालिका सदस्य चन्द्रा भुल लगायतको टोलीले अनुगमन गरेको हो ।

अनुगमनका क्रममा केही सामान्य क्रुटीहरु फेला परेको नगरप्रमुख विरेन्द्र भट्टले बताए । ६ लेन सडकमा रहेको डिभाईडरलाई सजाउने हेतुले लगाउन लागिएको तारजाली को लेबल नमिलेको उनले बताए । त्यसका लागि ठेकेदार कम्पनिलाई निर्देशन दिईएको पनि उनले बताए ।

त्यसका साथै मुख्य कार्यालय तथा नगरबासीहरुका लागि अनिवार्य आवश्यक पर्ने क्षेत्रहरुमा पैदल मार्ग राख्नका लागि पनि ठेकेदार कम्पनिलाई सुझाव दिईएको नगरप्रमुख भट्टले बताए । उनले चालु आर्थिक वर्ष भित्रै ६ लेन सडकको गोदावरी नगरक्षेत्रमा तारजाली लाग्नुका साथै, वृक्षारोपण गर्ने तथा लाईट जडान गर्ने कार्य पनि सम्पन्न हुने उनले बताए ।

‘यसमा वृक्षारोपण गरेपश्चात त्यसको सुरक्षाको लागि हामीले ट्री गार्डको व्यवस्थापन त गरेका थियौ तर त्यसले मात्रै पर्याप्त भएन । त्यसैले अहिले तारजाली लगाउन थालेका हौ । त्यसपश्चात यो क्षेत्रमा पुनः वृक्षारोपण गरेर यसलाई हराभरा बनाईनेछ’ नगरप्रमुख भट्टले भने ।