बर्दिया : बर्दियामा चितुवाको आक्रमणबाट खेतमा घाँस काटिरहेकी एक महिलाको मृत्यु भएको छ। मधुवन नगरपालिका वडा नं ७ ताराताल बस्ने ५१ वर्षीया जुनाकुमारी लामिछानेले चितुवाको आक्रमणमा परेर ज्यान गुमाउनुपरेको हो ।
भारतीय सीमा नजिकै आफ्नै खेतमा घाँस काटिरहेको अवस्थामा लामिछानेलाई चितुवाले आक्रमण गरेको स्थानीयले बताएका छन् । घाँस काटिरहेको अवस्थामा अचानक आक्रमण गर्दा उनको घाँटीमा चोट लागेको थियो ।
तत्काल उद्धार गरी उपचारका लागि बर्दिया अस्पतालमा लैजाँदै गर्दा मृत्यु भएको जिल्ला प्रहरी कार्यालय बर्दियाका प्रहरी नायव उपरीक्षक ऋषिराम घर्तिमगरले जनाएका छन्।
प्रतिक्रिया दिनुहोस्