कर्णाली । आनि छोईङ डोल्माले रारा ताल भ्रमण गरेकी छिन् । आध्यात्मिक पर्यटनको प्रचार र विस्तारका लागि नेपाल आएका डोल्माले रारा ताल भ्रमण गरेकी हुन् ।
उनले नेपालको सबैभन्दा ठूलो तथा कर्णाली प्रदेशको प्रमुख पर्यटनीय स्थल रारा पुगेर रारालाई आध्यात्मिक पर्यटन क्षेत्रका रुपमा प्रचार गरेकी छिन् । उनलाई मुगाली समुदायले मुगाली भेषभुषाका साथ भव्य स्वागत गरेका थिए ।
बाहिर सुनिएजस्तो रारा ताल पुग्न अफ्ठ्यारो नभएको भन्दै डोल्माले रारा पुग्न सहज भएको बताएकी छिन् । उनले देश तथा विदेशमा रहेका नेपालीहरुलाई सुन्दर तथा अथाह पर्यटकीय सम्भावना बोकेको रारा भ्रमण गर्न पनि अपिल गरेकी छिन् ।
डोल्माको रारा भ्रमणले रारा र समग्र कर्णाली प्रदेशको पर्यटन प्रवद्र्धनमा सहयोग पुग्ने अपेक्षा गरिएको छ । डोल्मा आज रारा आसपासको बस्ती मुर्मा गाउँ र मुर्माटमाका स्थानीयसँग बसेकी छिन् ।
डोल्माले विश्व चर्चित गित फूलको आँखा फूलै संसार गित गाएकी छिन् ।
प्रतिक्रिया दनुहोस्