फिल्म ‘लाज शरणम्’को पहिलो गीत ‘हेर्दा हेर्दैमा सार्वजनिक (भिडियो)

काठमाडौं : हास्यश्रृखला ‘सक्किगो नि’ टिमले निर्माण गरेको फिल्म ‘लाज शरणम्’ को प्रोमोसनल गीत ‘हेर्दा हेर्दैमा’ सार्वजनिक भएको छ ।

गीतमा शान्त श्री परियार र आशिष अविरलको स्वर रहेको छ भने आनन्द अधिकारीको शब्द रचना छ । कृष्ण भारध्वजले संगीत गरेका छन् । फिल्म ‘लाज शरणम्’ हास्य टेलिश्रृंखला ‘सक्किगोनि’को टिमले बनाएको फिल्म हो ।

लेखक, कलाकारदेखि निर्देशकसम्म यो फिल्ममा ‘सक्किगोनि’ टिमको छ । ‘लाज शरणम्’को मुख्य भूमिकामा सिताराम कट्टेल ‘धुर्मुस’ मुख्य भूमिकामा छन् । यो फिल्मलाई कुमार कट्टेलले निर्देशन गरेका हुन् । यो फिल्म फागुन १४ गते महाशिवरात्रिको अवसरमा प्रदर्शन हुनेछ ।

‘सक्किगोनि’ टिमले बनाएको यो फिल्ममा धुर्मुससँगै अर्जुन घिमिरे, सागर लम्साल, हरिष निरौला, प्रियाना आचार्य, विजय बराल, महेश त्रिपाठी, अर्पण थापा, रेणु योगी, विजय लामा, मुकुन्द श्रेष्ठ, माला लिम्बूलगायत कलाकारको अभिनय छ ।

जेपिटी क्रियसनको ब्यानरमा निर्माण भएको फिल्ममा नवीन श्रेष्ठ निर्माता, राम नरेश शाह र सृजना खड्का सह–निर्माताको रूपमा रहेका छन् ।