गोदावरीका एक युवक खैरो हेरोइनसहित पक्राउ

धनगढी : कैलालीको गोदावरीका एक युवक खैरो हेरोइनसहित पक्राउ परेका छन्। बुधवार साँझ गोदावरी नगरपालिका–२ राष्ट्रिय वाणिज्य बैंक अत्तरियाबाट तेघरीका २२ वर्षीय धिरज बलायर खैरो हेरोइनसहित पक्राउ परेका हुन।

इलाका प्रहरी कार्यालय मालाखेतीका अनुसार सडकमा लागु औषधको कारोबार भइरहेको सूचनाको आधारमा प्रहरी टोली खटिएको थियो। टोलीले बलायरको साथबाट २ सय मिलिग्राम लागुऔषध ९खैरो हेरोइन० बरामद गरी उनलाई पक्राउ गरिएको जनाएको छ।