टीकापुर नगरपालिका द्धारा १२ जना चिराकीलाई साइकल वितरण

टीकापुर : टीकापुर नगरपालिका–७ ले चिराकीलाई साइकल वितरण गरेको छ । वडाको आव २०८१/८२ को बजेटबाट १२ जना चिराकीलाई प्रतिव्यक्ति १० हजार बराबरको साइकल वितरण गरेको हो । बडघररभलमनसा प्रणालीमा आवश्यक परेको बेला गाउँलेलाई सूचना जारी गर्न चिराकीको व्यवस्था गरिएको छ ।

चिराकीले सार्वजनिक काम, भेला, बैठक हुनुपर्ने, खोपलगायतका अभियानमा सहभागी हुनुपर्ने सूचना र कर्णाली नदीमा बाढी बढ्न थालेको सूचना घर घरै पुर्‍याउनु पर्छ । टीकापुर नगरपालिका–७ का वडाध्यक्ष यज्ञप्रसाद न्यौपानेले समाजमा हुने हरेक गतिविधि बडघरमार्फत गर्नुपर्ने र बडघरले समाज जुटाउन चिराकी खटाउने भएकाले घर घर पुग्न सहयोग पुगोस् भनेर साइकल वितरण गरिएको बताए । 

Seti Hospital

करिब एक हजार पाँच सय परिवार बसोबास गर्ने वडामा १५ वटा बडघर र १२ वटा चिराकी छन् । दिव्यपुर टोलकी चिराकी सावित्री चौधरीले ९० वटा जति घरमा पैदल हिँडेर सूचना पुर्‍याउन घण्टौँ लाग्ने गरेको तर साइकलमा भए २५ मिनेटमा जान सकिने बताउनुभयो । सूचना पुर्‍याएबापत गाउँलेबाट उठाएको धान पाउने गरेका चिराकीहरू बडघररभलमनसाका सहयोगी र सूचना प्रसारक हुन् । 

टीकापुर नगरपालिकाका प्रमुख रामलाल डगौरा थारूले भने, “गाउँमा हुने कार्यक्रममा सहभागिता जुटाउन सूचनाको संवाहकका रूपमा रहेका चिराकीले साइकल पाएपछि काममा सहज हुने छ । टीकापुरमा बडघर ऐन पारित भइसकेकाले बडघर प्रथालाई व्यवस्थित गर्न हरेक वडामा बडघर भवन बन्ने छन् ।”  

कल २४ न्युजमा प्रकाशित सामग्रीबारे कुनै गुनासो, सुचना तथा सुझाव भए हामीलाई [email protected] मा पठाउनु होला । FacebookInstagram मार्फत पनि हामीसँग जोडिन सक्नुहुनेछ । हाम्रो YouTube च्यानल पनि हेर्नु होला ।

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Bhetenari ADD

समबन्धित समाचार