कञ्चनपुर : कञ्चनपुर जिल्लाको भिमदत्त नगरपालिका–१० गड्डाचौकीस्थित सीमा क्षेत्रबाट स्रोत नखुलेको ६ लाख ८८ हजार भारतीय रुपैयाँसहित एक जना व्यक्ति पक्राउ परेका छन्।
प्रस्तावित सीमा सुरक्षा गुल्म गड्डाचौकी र इलाका प्रहरी कार्यालय गड्डाचौकीको संयुक्त टोलीले माघ १७ गते नियमित जाँचका क्रममा उक्त रकमसहित एक व्यक्तिलाई नियन्त्रणमा लिएको हो।
प्रारम्भिक अनुसन्धानका क्रममा सो रकमको वैध स्रोत पुष्टि हुन नसकेपछि आवश्यक कारबाहीका लागि पक्राउ परेका व्यक्तिलाई राजस्व अनुसन्धान कार्यालय, कोहलपुर बाँकेमा बुझाइएको प्रहरीले जनाएको छ।
प्रतिक्रिया दनुहोस्