कञ्चनपुर : कञ्चनपुरबाट अंशबण्डा मुद्दामा फरार रहेका ५ जना ३२ वर्षपछि पक्राउ परेका छन्।
मिति २०४९ वैशाख ३० गतेको फैसलाले अंशबण्डा सम्बन्धी मुद्दामा ६ सय ४८ जरिवाना तोकिएपछि फरार रहेका दोधारा चाँदनी नगरपालिका–८ बस्ने गोपाल सुनार, ६ सय ४८ जरिवाना तोकिएको सोही ठाउँ बस्ने राम सुनारसहित चार जना फारार प्रतिवादीहरुलाई इलाका प्रहरी कार्यालय दोधारा चाँदनीबाट खटिएको प्रहरीले शुक्रवार पक्राउ गरी जिल्ला अदालतमा पेश गरेको छ।
यस्तै मिति २०५३ असार २० गतेको फैसलाले सार्वजनिक अपराधमा ५० रुपैयाँ जरिवाना तोकिएको दोधारा चाँदनी नगरपालिका–२ बस्ने बिर सिह नेपाली र मिति २०६६ कार्तिक ३ गतेको फैसलाले चरेश सम्बन्धी मुद्दामा २ हजार जरीवाना तोकिएपछि फरार रहेका दोधारा चाँदनी नगरपालिका–७ बस्ने मानबहादुर चन्दलाई पक्राउ गरिएको जिल्ला प्रहरी कार्यालय कञ्चनपुरले जनाएको छ। शुक्रवार पक्राउ परेका यी सबै जनालाई जिल्ला अदालत कञ्चनपुरमा पेश गरेको प्रहरीले जनाएको छ।
प्रतिक्रिया दनुहोस्