र्जुन ट्रफी : प्रतियोगिताको प्रत्यक्ष प्रसारण एडिआर स्पोर्टसले गर्न

धनगढी : धनगढीमा भोलीदेखि सुरु हुने अर्जुन ट्रफी क्रिकेट प्रतियोगिताको डिजिटल प्रसारण अधिकार एडिआर स्पोर्टसले लिएको छ । गो ड्रिमर्सद्वारा आयोजित प्रतियोगिताको एडिआर स्पोर्टसले युट्युव, फेसवुक लगायतका सामाजिक सञ्जालमा प्रतियोगिताको प्रत्यक्ष प्रसारण गर्ने जनाइएको छ । 

प्रतियोगिताको खेललाई प्रत्यक्ष रुपमा मैदानमा गएर हेर्नका लागि खल्ती एपबाट टिकट काट्न सकिने सुविधा दिईएको छ । प्रतियोगिताका खेलहरु हेर्नका लागि खल्ती एपमा अर्जुन ट्रफीको टिकट काट्ने सुविधा सुरु भईसकेको छ । डिजिटल वालेट खल्तीबाट टिकट काटेर खेल हेर्ने दर्शकहरुलाई टिकट बराबरको आकर्षक उपहार पनि दिईने भएको छ । प्रतियोगिताका लागि भिआईपी तर्फ दुई सय र साधारण तर्फ एक सय रुपैया टिकट दर तोकिएको छ । प्रतियोगितामा देशभरका ८ वटा क्लबका टीमहरुको सहभागीता रहेको छ ।