बैतडी : १७ औं संस्करणको एनआरवाइसी टी-१० क्रिकेट प्रतियोगिता बिहीबारदेखि सुरू हुँदैछ। जिल्लाको दशरथचन्द नगरपालिका-११ बगलेखानमा सञ्चालन हुने प्रतियोगिताको बिहीबार बिहान १० बजे नेपाल क्रिकेट संघ क्यानका अध्यक्ष चतुरबहादुर चन्दले उद्घाटन गर्ने कार्यक्रम रहेको आयोजक नागार्जुन रणसैनी युवा क्लब बठ्ठा ९एनआरवाइसी० ले जनाएको छ।
१६ टोली सहभागी हुने प्रतियोगिताको विजेतालाई २५ हजार, ट्रफी र मेडल प्रदान गरिनेछ। उपविजेता टोलीलाई १५ हजार, ट्रफी र मेडल प्रदान गरिने आयोजक नागार्जुन रणसैनी युवा क्लबका बरिष्ठ सल्लाहकार श्यामबहादुर चन्दले जानकारी दिनुभयो ।यस्तै म्यान अफ द सिरिजलाई २,७७७, बेस्ट बलर र बेस्ट ब्याटरलाई १,७१७ रूपैयाँ पुरस्कार दिइने क्लबका अध्यक्ष ताराराम महरले बताउनुभयो।
यो क्लबले विगत १६ वर्षदेखि क्रिकेट प्रतियोगिता गर्दै आएको छ। गतवर्ष सम्पन्न १६ औ संस्करणको एनआरवाइसी कप टि १० क्रिकेट प्रतियोगिताको उपाधि आयोजक एनआरवाइसी बठ्ठालाई १९ रनले हराउदै पञ्चकोटी युवा क्लबले हात पारेको थियो। प्रतियोगिताले क्रिकेटको विकासमा मद्दत पुग्ने आयोजक एनआरवाइसीका उपाध्यक्ष महेश बहादुर चन्दले बताउनुभयो ।
प्रतिक्रिया दनुहोस्