कैलाली र कञ्चनपुरबाट अवैध भन्सार छलिका सामान बरामद

धनगढी : कैलाली र कञ्चनपुरमा प्रहरीले अवैध भन्सार छलिका सामान नियन्त्रणमा लिएको छ।

कैलालीको धनगढी उपमहानगरपालिका-२ शिसापोष्ट, अदालत रोड, त्रिवेणीघाट, भजनी नगरपालिका-७ सिराधानी सिबिर नजिक, भजनी-९ भुरुवा, टिकापुर-२ अस्नेहरी मनेहरा सिबिर नजिक, र टिकापुर-९ बालुवाटार लगायतका स्थानबाट अन्दाजी ५ लाख ५५ हजार ५९० रुपैयाँ बराबरका लेडिज सुट, गलबन्दी, सुर्ति, गुड्खा, बिडी, मैदा, प्लास्टिक झिल्ली लगायतका सामानहरु र हिरोहण्डा मोटरसाइकल प्रहरीले बेवारिसे अवस्थामा फेला पारी नियन्त्रणमा लिएको प्रदेश प्रहरी कार्यालय धनगढीले जनाएको छ ।

यसैगरी कञ्चनपुरको दोधारा चाँदनी नगरपालिका-३ जमुनाघाटबाट अन्दाजी ८ हजार बराबरको कुखुराको चारा इलाका प्रहरी कार्यालय दोधारा चाँदनीको टोलीले बेवारिसे अवस्थामा नियन्त्रणमा लिएको छ। दुवै घटनामा प्रहरीले थप अनुसन्धान गरिरहेको जनाएको छ।