कञ्चनपुर : कञ्चनपुरबाट २ दशक अघि जरिवाना तोकिएका फरार प्रतिवादी पक्राउ परेका छन् । जिल्ला अदालत कञ्चनपुरले गाली बेइज्जती मुद्दामा २०६१ कार्तिक २४ गते २ सय जरिवाना तोकी फरार रहेका जिल्ला दोधारा चाँदनी नगरपालिका – ५ का भक्त बहादुर सुनार पक्राउ पक्राउ परेका हुन ।
मंगलबार इलाका प्रहरी कार्यालय दोधारा चाँदनीबाट खटिएको प्रहरी टोलीले पक्राउ गरी अदालतमा पेस गरिएको प्रदेश प्रहरी कार्यालय धनगढीले जनाएको छ । यस्तै गाली बेइज्जती मुद्दामै २०६१ कार्तिक १२ गते अदालतले ५ सय जरिवाना तोकी फरार रहेका दोधारा चाँदनी नगरपालिका – १ का बेल बहादुर रानालाई पनि मंगलबार पक्राउ गरी अदालतमा पेस गरिएको छ ।
यस्तै भवितव्य ज्यान मुद्दामा २०६८ जेट २५ गते २ सय जरिवाना तोकी फरार रहेको दोधारा चाँदनी नगरपालिका – २ पुरानो बस्तीका बस्ने हेमराज न्यौपानेलाई पनि इलाका प्रहरी कार्यालय दोधारा चाँदनीबाट खटिएको प्रहरी टोलीले पक्राउ गरी अदालतमा पेस गरेको प्रहरीले जनाएको छ ।
प्रतिक्रिया दनुहोस्