कैलाली : कैलालीको चौमाला–खैराला सडक कालोपत्रको काम सुरु भएको छ । गत वर्ष भएको ठेक्का सम्झौता अनुसार सडक ९ सय मिटर सडक कालोपत्रेको काम सुरु भएको हो ।
सडक कालोपत्रे गर्नका गत वैशाखमा एक करोड ९५ लाखमा ठेक्का सम्झौता भएको थियो । सम्झौता अनुसार सडकको नालीसहितका पूर्वाधारको काम सकेर कालोपत्रेको काम सुरु गरिएको सडक डिभिजन कार्यालय महेन्द्रनगरले जनाएको छ । डिभिजन कार्यालयका इन्जिनियर चित्र चौलागाईंले फागुन मसान्तभित्र सडक कालोपत्रेको काम सकिने बताए ।
चौमाला–खैराला सडक डेढ दशक देखि चर्चामा रहदै आएको छ । यो सडकको २०६४ चैत २८ गते शिलान्यास समेत गरिएको थियो । शिलान्यास पछि अलपत्र परेको सडक चुरे फेदीसम्म थप पाँच किलोमिटर कालोपत्रे गर्नका संघीय सरकारले १० करोड बजेट सुनिश्चितता गरेको छ ।
ढिलै भएपनि सडक निर्माणको काम सुरु भएपछि स्थानीय खुसी भएका छन । यो सडक ऐतिहासिक गर्भा दरबार जोड्ने भएकाले यसको निर्माणपछि पर्यटन विकासमा पनि टेवा पुग्ने विश्वास लिइएको छ ।
प्रतिक्रिया दनुहोस्