आज पनि घट्यो सेयर बजार

काठमाडौँ : साताको दोस्रो कारोबार दिन अर्थात् आज सोमबार नेप्से परिसूचक घटेको छ । अघिल्ला दुई कारोबार दिनदेखि घटेर बन्द भएको नेप्सेले आज पनि त्यही क्रमलाई निरन्तरता दिएको हो ।

आज नेप्से परिसूचक १०.६६ अंक घटेर २६३३.२७ विन्दुमा झरेको छ । त्यस्तै, आज सेन्सेटिभ इण्डेक्स २.०७ अंक घटेको घट्दा फ्लोट इण्डेक्स ०.४९ अंक र सेन्सेटिभ फ्लोट इण्डेक्स ०.६१ अंक घटेको छ।

नेप्सेसँगै यस दिन कारोबार रकम पनि घटेको छ। अघिल्लो कारोबार दिन ९ अर्बभन्दा बढीको सेयर खरिदबिक्री भएको बजारमा आज ८ अर्ब ९२ करोड ४० लाख ६५ हजार रुपैयाँ बराबरको १ करोड ७२ लाख कित्ता सेयर खरिदबिक्री भएको हो ।