प्रतितोला १९ सयले बढ्यो सुनको मूल्य

काठमाडौं : नेपाली बजारमा आज (बुधबार) सुनको मूल्य १९ सयले बढेको छ । मंगलबार प्रतितोला १ लाख ५८ हजार १०० मा कारोबार भएको सुनको मूल्य आज १ हजार ९ सयले बढेको हो ।

मूल्य बढेसँगै नेपाली बजारमा आज सुन प्रतितोला १ लाख ६० हजार रुपैया कायम गरिएको नेपाल सुनचाँदी व्यवसायी महासंघले जनाएको छ ।

त्यस्तै आज चाँदीको मूल्यमा पनि बृद्धि भएको छ । चाँदीको मूल्य प्रतितोला २० रुपैयाँले बढेको हो । आज चाँदी प्रतितोला १ हजार ८९५ मा कारोबार भइरहेको छ ।