बैतडी : बैतडीमा विपन्न परिवारका बालबालिकाहरुलाई कम्बल वितरण गरिएको छ । जिल्लाको मेलौली नगरपालिका–२ स्थित धर्मघर मावि सलेनामा अध्ययनरत विपन्न परिवारका १५ जनालाई माया घर नेपालद्वारा सञ्चालित कपडा बैंक शाहीलेकले कम्बल वितरण गरेको हो ।
विभिन्न ठाउँका दाताहरुबाट प्राप्त भएको कम्बलहरु विपन्न बालबालिकाहरुलाई वितरण गरिएको कपडा बैंकका सञ्चालक महेशदत्त भट्टले बताए ।
विद्यालयले छनौट गरेका विपन्न परिवारका १५ जना बालबालिकाहरुलाई आइतबार कम्बल वितरण गरिएको उनले बताए । विद्यालयको बार्षिकोत्सवको अवसर पारेर बालबालिकाहरुलाई कम्बल वितरण गरिएको हो ।
कपडा बैंकले समस्यामा परेका नागरिकहरुलाई सहयोग गर्दै आइरहेको छ । गएको बर्षदेखि बैतडीमा सञ्चालनमा रहेको कपडा बैंकले ८ सय बढी विपन्न नागरिकलाई कपडा सहयोग गरिसकेको सञ्चालक भट्टले बताए ।
बैतडीका अन्य विद्यालयका विपन्न बालबालिकाहरुलाई पनि कम्बल वितरण गर्ने योजना रहेको उनले सुनाए । यसका लागि विद्यालयहरुसँग सम्पर्क भइरहेको भट्टले बताए ।
प्रतिक्रिया दनुहोस्