धनगढी : कैलालीबाट एकै दिन लागू औषध सहित ५ जना पक्राउ परेका छन् । आइतबार धनगढीका छुट्टाछुट्टै स्थानबाट लागू औषध सहित ५ जना युवायुवती पक्राउ परेका हुन ।
धनगढी उपमहानगरपालिका – २ भन्सार ब्यारेल नजिकबाट भारतबाट नेपाल आउँदै गरेको अवस्थामा धनगढी उपमहानगरपालिका – ४ उत्तरवेहडीका २४ वर्षीय अनिल लामा तामाङ सहित दुई जना पक्राउ परेका छन् । उनीहरूको साथबाट १२ ग्राम ३६० मिलिग्राम लागू औषध खैरो हेरोइन जस्तो देखिने धुलो पदार्थ बरामद गरिएको प्रदेश प्रहरी कार्यालय धनगढीले जनाएको छ । उनीहरू सँगै प्रहरीले सुपप्र ०२००३ प ६११५ मोटरसाइकल पनि नियन्त्रणमा लिएको छ ।
यस्तै आइतबार साँझ धनगढी उपमहानगरपालिका – १२ जुगेडाबाट धनगढी उपमहानगरपालिका – १ शिवनगरकी २२ वर्षीय अस्मिता चौधरी र धनगढी उपमहानगरपालिका – ९ की २२ वर्षीय रमिता चौधरी पक्राउ परेका छन् । उनीहरूको साथबाट १ ग्राम ६०० मिलिग्राम लागू औषध खैरो हेरोइन जस्तो देखिने धुलो पदार्थ बरामद गरिएको प्रहरीले जनाएको छ ।
यसैबिच आइतबार राती धनगढी उपमहानगरपालिका – १३ राजपुरबाट डडेल्धुराको अमरगढी नगरपालिका – ५ घर भई हाल धनगढी उपमहानगरपालिका – १३ कोठा गरी बस्ने २४ वर्षीय मीन बहादुर विष्टलाई २ ग्राम ४० मिलिग्राम लागू औषध खैरो हेरोइन जस्तो देखिने धुलो पदार्थ सहित पक्राउ गरिएको प्रदेश प्रहरी कार्यालय धनगढीले जनाएको छ ।
प्रतिक्रिया दनुहोस्