चर्चामा एलिना र मेलिना: सम्बन्ध जोडिएको र तोडिएको बारे के भन्छन् दुई गायिका ?

काठमाडौं : हुन त कसैको नीजि जिन्दगीको प्रसंगमा बोलिरहन उपयुक्त हुँदैन, तर समाजमा साथ- सहयोग हौसला दिनेमात्र होइन,अरुको चियो-चर्चो, कुरा काट्ने खुट्टा तान्ने जमात पनि ठूलै छ । यसो भनिरहँदा यो सामग्री पनि नीजि मामिलाकै हो, अनि किन लेखेको त ? भन्ने प्रश्न स्वाभाविक हो । तर, खुल्दुली हुन्छ, जिज्ञासा मेट्ने चाहना हुन्छ ।

प्रसङ्ग पूर्वेली चेलीहरु अर्थात चल्तिका गायिका मेलिना राई तथा एलिना चौहानकै हो । मेलिना राईको पुनः विवाह हुँदै गर्दा एलिनाको चाहिँ सम्बन्ध बिग्रिन लागेको समाचार छताछुल्ल भएको छ ।

हुन त म्युजिक भिडियो चलाउनका लागि आफूलाई चर्चामा ल्याउन एलिनाले अनेक हर्कत गर्ने आरोप पनि लाग्ने गरेको छ । चौहानले हालै नयाँ गीत ‘एक्लै पनि जिन्दगी चल्दो रहेछ’ सार्वजनिक गरेकी छिन् । सम्बन्ध बिग्रिएको समाचार आउँदा एक्लै पनि जिन्दगी चल्दो रैछ भनेर आफूलाई बलियो साबित गर्न खोजेको महसुस दिलाउन खोज्दैछिन् ।

तपाईँको सम्बन्ध बिग्रेको समाचार आईरहेको छ ? के हो वास्तविकता ? भन्ने कलाकर्मीको प्रश्नमा एलिनाले भनिन्- ‘मेरो नीजि लाइफमा तपाईंहरुलाई के को चासो ? तपाईं चलेको कलाकार हो, कलाकार भएपछि चासो हुन्छ नि !’, यसो भन्दा चौहानले भनिन्- ‘तपाईँहरु न्युज भन्दा नि भ्युजको पछि कुद्नु हुन्छ । जे पनि लेखिदिनु हुन्छ ।’

यसो भन्दै गर्दा उनको रुन्छे स्वरले उनी तनावमा भैरहेको सहजै अनुभव गर्न सकिन्थ्यो । एलिनालाई हामीले फेरि सोध्यौं । वास्तविकता त आउनु पर्छ नि ? तपाईँको सम्बन्ध बिग्रेको समाचार आउनु अनि गी पनि एक्लै पनि जिन्दगी चल्दो रहेछ आउनु त्यसो भए संयोग हो ? उनले भनिन्- ‘रजतपटले कुन मनसायले आफू खुशी समाचार बनाउँछ, त्यसको पछि नलाग्नु । म यो विषयमा केही बोल्दिन ।’

तर गायिका एलिना चौहानले वैवाहिक जीवनबारे चलेका अफवाहको खण्डन गर्दै श्रीमान् विष्णु सापकोटासँगको सम्बन्ध राम्रो रहेको बताएको समाचार पनि आईरहेका छन् । आफूलाई चर्चामा ल्याउन अनेक हर्कत गर्छिन् भन्ने आरोप खेपेकी चौहानको पछिल्लो वास्तविकता के हो ? उनैले जानुन् ।

हाम्रो उदेश्य सबैको घरजम राम्रो होस् भन्ने नै हो । सामाजिक सञ्जाल र केही सञ्चार माध्यमहरूमा सम्बन्ध बिग्रिएको हल्ला चलेपछि एलिनाले यसबारे स्पष्टिकरण दिएको कुरा विभिन्न अनलाइनमा आईरहेका छन् ।

एलिनाले २०८१ साल वैशाख ५ गते विष्णु सापकोटासँग झापाको बिर्तामोडस्थित बिर्ता पार्टी प्यालेसमा विवाह गरेकी थिइन् । वैवाहिक समारोहमा परिवारका सदस्यहरू, आफन्तहरू र निकटका साथीहरूको उपस्थिति रहेको थियो ।

विवाहपछि एलिनाले केही समय अस्ट्रेलियामा श्रीमानसँग बिताएकी थिइन् । तर, तीजको अवसरमा उनी नेपाल फर्किएकी थिइन् । त्यसयता अहिले पनि उनी नेपालमै रहेर सांगीतिक कार्यक्रमहरूमा सक्रिय छिन् । उनका श्रीमान् व्यवसायका कारण अस्ट्रेलियामै व्यस्त छन्, जसका कारण दम्पतीबीच भौगोलिक दूरी रहेको छ ।

यसबीच, केही समयअघि ओशो ध्यान केन्द्रमा देखिएकी एलिनाबारे वैवाहिक सम्बन्धमा समस्या आएको भन्ने समाचारहरू सार्वजनिक भए । तर, उनले यी हल्लाहरूलाई असत्य भन्दै श्रीमानसंगको सम्बन्धमा कुनै समस्या नरहेको र उनीहरूबीच गहिरो समझदारी रहेको बताइन् । भनिन्छ, श्रीमान् श्रीमतीको झगडा परालो आगो पनि हो । हाल एलिना चौहान विभिन्न सांगीतिक परियोजनामा व्यस्त छिन् र आगामी गीतहरूका तयारीमा जुटिरहेकी छिन् ।

अब कुरा गरौ, मेलिना राईको ।

गिटारिस्ट सञ्जीव बराइलीसँग वैवाहिक सम्बन्ध बिग्रिए पनि मेलिनाको पुन:नयाँ घरजम भएको छ । गायिका मेलिना राईले नयाँ वैवाहिक जीवनको थालनी गरेकी छिन् । उनले डाक्टर ध्रुव गुरुङसँग माघ ४ गते काठमाडौंको गोकर्णेश्वरस्थित हिमाली घर रिसोर्टमा विवाह गरेकी हुन् । विवाह समारोहमा परिवारका सदस्यहरू, नजिकका साथीहरू, र संगीत क्षेत्रका विशिष्ट व्यक्तिहरूको उपस्थिति थियो ।

डा. ध्रुव गुरुङ लमजुङका स्थायी बासिन्दा हुन् र हाल पेशाले चिकित्सकका रूपमा कार्यरत छन् । केही समयदेखि प्रेम सम्बन्धमा रहेका मेलिना र ध्रुवले विवाहअघि इन्गेजमेन्ट गरेका थिए ।

मेलिनाले यसअघि गिटारिस्ट सञ्जीव बराइलीसँग इन्गेजमेन्ट गरेकी थिइन् । तर, दुई वर्षअघि उनीहरूको इन्गेजमेन्ट तोडिएको थियो, जसले बेला-बेलामा चर्चामा ल्याएको थियो ।

मेलिना राई नेपाली संगीत उद्योगकी चर्चित गायिका हुन् । कुटुमा कुट सुपारी दाना, के गुलियो छ र सक्खर चिनी जस्ता गीतले उनको नामलाई घर-घरमा चिनाएको छ । विवाहपछि पनि उनी सांगीतिक यात्रामा निरन्तर सक्रिय रहने बताइएको छ ।

यस नयाँ जीवनका लागि उनीहरूलाई शुभकामना दिन सामाजिक सञ्जालमा शुभचिन्तकहरूको ओइरो लागेको छ त कतै आलोचना पनि । ‘वैवाहिक जीवनमा बाँधिनु भएको छ, वधाई छ है’ भन्दा गायिका राईले ‘अहिले व्यस्त छु, पछि कुरा गरौँला है’ भनिन् ।