कैलाली : कैलालीको गोदावरी नगरपालिका– १२ ले आमा समुहका महिलाहरुलाई मौलिक पोसाक वितरण गरेको छ । वडा कार्यालयले मौलिक संस्कृति जर्गेना गर्ने हेतुले आमा समुहलाई सुदूरपश्चिमको मौलिक पोसाक गुन्यु चोलो लगायका सामग्री वितरण गरेको हो ।
वडाध्यक्ष भीम बहादुर खड्काले वडामा सुदूरपश्चिमको मौलिक संस्कृति जर्गेना गर्ने उद्देश्यले आमा समुहहरुलाई गुन्यु चोलो लगायतका पोसाकहरु वितरण गरिएको बताए । उनका अनुसार वडाले वडामा रनपुतला खेल्ने ३० जना महिलाहरुलाई गुन्यु, चोलो, पछ्यौरा, पोते र डोरी वितरण गरेको हो ।
वडाध्यक्ष खड्काले चालु आर्थिक वर्षमा वडाले उक्त सामग्री वितरणका लागि १ लाख रुपैया विनियोजन गरेको र सोही बराबरका सामग्रीहरु वितरण गरिएको बताए । उनका अनुसार वडाले शुक्रबार सामग्रीहरु महिलाहरुलाई हस्तान्तरण गरेको छ । महिलाहरुले शनिबार रनपुतला खेल्ने कार्यक्रम पनि वडामा रहेको उनले बताए ।
प्रतिक्रिया दनुहोस्