बैतडीका एक युवकको भारतमा मोटरसाइको ठक्करबाट मृत्यु

बैतडी: बैतडीका एक युवकको भारतमा मृत्यु भएको छ । जिल्लाको शिवनाथ गाउँपालिका–०३ सकराका २४ वर्षिया राजेन्द्र सिह साउँदको भारतमा मृत्यु भएको उनका भाउजु अहिल्या ठकुराठिले बताए । भारतको हरियाणा राज्यको एक होटलमा काम गर्दै आएका साउँदको मंगलबार राति मृत्यु भएको परिवारले जनाएको छ । डिउटी सकेर करिव ८/९ बजे कोठा जादै गर्दा बाटो काट्ने क्रममा साउँदलाई मोटरसाइकलले ठक्कर दिएको उनका भाउजु ठकुराठिले बताए ।

घटनास्थलमै ज्यान गुमाएका साउँदको मृत्युले परिवार शोकमा डुबेको छ । मृतक साउँद घरका जेठा छोरा हुन भने उनका एक भाई, एक बहिनि र आमा घरमा छन । मृतक साउँदका बुवापनि रोजगारिकै सिलसिलामा भारतमै रहेका छन । छोराको मृत्युको खबर सुनेपछि बुवा घटनास्थल पुगेका थिए । मोटरसाइकलले ठक्कर दिने ब्यक्तिको पहिचान भने हुन सकेको छैन । घटनाको छानबिन गरि दोशिलाई कारवाहीको माग गरिएको छ ।