प्रेस चौतारी कैलालीको जिल्ला अधिवेशन अगामी माघ ११ गते हुने !

धनगढी : प्रेस चौतारी नेपाल कैलालीको जिल्ला अधिवेशन अगामी माघ ११ गते हुने भएको छ । शनिबार धनगढीमा बसेको प्रेस चौतारीको जिल्ला कमिटीको बैठकले संगठनको केन्द्रीय सर्कुलरअनुसार माघ ११ गते अधिवेशन गर्ने निर्णय सचिव जनक विष्टले जानकारी दिए ।

उनकाअनुसार प्रेस चौतारीको केन्द्रीय कमिटिले २५ माघभित्र जिल्ला शाखाको अधिवेशन सम्पन्न गर्न सर्कुलर जारी गरेको छ । प्रेस चौतारीका जिल्ला अध्यक्ष भानुभक्त आचार्यको अध्यक्षतामा बसेको बैठकले २८ मंसिरमा सम्पन्न नेपाल पत्रकार महासंघको निर्वाचनको समिक्षा समेत गरेको छ ।

Seti Hospital

अधिवेशनको एक हप्ता अगावै सदस्यता नवीकरण र नयाँ सदस्य वितरण गरिसक्ने निर्णय पनि गरेको सचिव विष्टले बताए । जिल्ला अधिवेशन सम्पन्न गर्न अध्यक्ष अचार्यको संयोजकत्वमा मूल आयोजक कमिटि पनि गठन गरेको छ । उक्त कमिटिमा जिल्ला कमिटीका सबै पदाधिकारी र सदस्य रहेका छन् भने आवश्यकताअनुसार थप्नसक्ने निर्णय गरिएको छ ।

यस्तै, उपाध्यक्ष निराजन परियारको संयोजकत्वमा सहसचिव प्रेमसिंह विष्ट, सदस्यद्धय सागर परियार र तेज बोहरा सदस्य रहनेगरि अधिवेशन परिचालन समिति, सचिव जनक विष्टको संयोजकत्वमा सहसचिव नन्दलाल राना, सदस्यद्धय पूर्ण साउद र टेकसिंह धामी सदस्य रहनेगरि अधिवेशन तयारी समिति र कोषाध्यक्ष लोकुसिंह ठकुरीको संयोजकत्वमा सदस्यद्धय दिनेश विष्ट र नरेशनाथ योगी सदस्य रहनेगरि आर्थिक व्यवस्थापन तथा परिचालन समिति गठन गरिएको छ ।

प्रेस चौतारीको जिल्ला कमिटीको बैठकको प्रमुख अतिथि केन्द्रीय सदस्य तथा कैलाली इन्चार्ज सुशिल ढुंगाना रहेका थिए । विशिष्ट अतिथिका रुपमा नेकपा एमालेका कैलाली जिल्ला उपसचिव एवंम् प्रचार विभाग प्रमुख चुडामणी भट्ट, प्रेस चौतारी नेपालका केन्द्रीय सदस्य दिलबहादुर छत्याल, प्रेस चौतारी नेपालका सुदूरपश्चिम प्रदेश कमिटि अध्यक्ष कृष्ण ओली सहभागी थिए । अतिथिका रुपमा प्रेस चौतारी तथा नेपाल पत्रकार महासंघ सुदूरपश्चिमका महासचिव शिवराज भट्ट, प्रदेश सदस्य एवंम् पत्रकार महासंघ कैलालीका उपाध्यक्ष बिराज रोस्यारा, प्रेस चौतारीका सुदूरपश्चिम प्रदेश सदस्य जीवन विष्ट र ध्रुव ओझा पनि सहभागी थिए ।

कल २४ न्युजमा प्रकाशित सामग्रीबारे कुनै गुनासो, सुचना तथा सुझाव भए हामीलाई [email protected] मा पठाउनु होला । FacebookInstagram मार्फत पनि हामीसँग जोडिन सक्नुहुनेछ । हाम्रो YouTube च्यानल पनि हेर्नु होला ।

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Bhetenari ADD

समबन्धित समाचार