अत्तरिया : अछाम र दार्चुलामा जङ्गली जनावरको आक्रमणमा परेको २ जना घाइते भएका छन् । अछामको साँफेबगर नगरपालिकामा बँदेल र दार्चुलाको व्यास गाउँपालिकामा चितुवाको आक्रमणमा परेर २ जना घाइते भएका हुन ।
साँफेबगर नगरपालिका – १२ खप्तडस्थित गोरु बाँध्ने गोठमा गोरुलाई घाँस हाल्न जाने क्रममा जङ्गली जनावर बँदेलले आक्रमण गरी सोही स्थानका १५ वर्षीय बालक घाइते भएका हुन् । बालकको न्याय हेल्थ अस्पताल बयलपालामा उपचार भइरहेको प्रदेश आपतकालिन कार्य सञ्चालन केन्द्रले जनाएको छ ।
यस्तै दार्चुलाको व्यास गाउँपालिका–२ दुम्लिङ चौराहास्थित घट्टे खोलामा घाँस काट्ने क्रममा जङ्गली जनावर चितुवाले आक्रमण गर्दा ३५ वर्षीय महिला घाइते भएकी छन् ।
घाइते महिलाको जिल्ला अस्पताल दार्चुलामा उपचार भइरहेको प्रदेश आपतकालिन कार्य सञ्चालन केन्द्रले जनाएको छ ।
प्रतिक्रिया दनुहोस्