कैलाली : कैलाली कञ्चनपुरका विभिन्न स्थानबाट भन्सार छलीका सामग्री बरामद गरिएको छ । दुवै जिल्लाका विभिन्न स्थानबाट अन्दाजी १ लाख ९१ हजार ९५० रुपैया बराबरका भन्सार छलीका सामान प्रहरीले बरामद गरेको हो ।
प्रहरीका अनुसार कैलालीको धनगढी उपमहानगरपालिका– २ पुरानो भन्सारबाट अवैध रुपमा भन्सार छलि गरेर ल्याइएका अन्दाजी ४० हजार ८०० बराबरका सामग्रीहरु बरामद गरिएको छ ।
भारतबाट अवैध रुपमा भन्सार छली गरी ल्याईएका ढोकाको होल्डिङ, झ्यालको होल्डिङ, हुक लगायतका सामानहरु जिल्ला प्रहरी कार्यालय कैलालीको टोलीले बरामद गरेको सुदूरपश्चिम प्रदेश प्रहरी कार्यालयले जनाएको छ । उक्त सामानहरु आवश्यक कार्बाहीको लागि भन्सार कार्यालय गड्डाचौकी पठाईएको बताईएको छ ।
यस्तै प्रहरीले कञ्चनपुरका विभिन्न स्थानबाट भन्सार छलीका अन्दाजी डेढ लाख बढीका सामानहरु बरामद गरेको छ । जिल्लाको भीमदत्त नगरपालिका– ११ भुजेला र पुर्नवास नगरपालिका– २ मोतिबस्तीबाट १ लाख ५१ हजार १५० रुपैया बराबरका भन्सार छलीका सामान बरामद गरिएको सुदूरपश्चिम प्रदेश प्रहरी कार्यालयले जनाएको छ ।
उक्त रकम बराबरको विभिन्न किसिमका कपडा, प्लाष्टिक झिल्ली, युरिया मल, हार्डवेयर र किराना लगायतका सामानहरु बरामद गरिएको प्रहरीले बताएको छ ।
प्रतिक्रिया दनुहोस्