आगलागीबाट सोलुखुम्बुका एक जना युवकको मृत्यु

सोलुखुम्बु : सोलुखुम्बुको सोलुदूधकुण्ड नगरपालिका-२, थुम्लिङमा आगलागीबाट एक जनाको मृत्यु भएको छ।

४० वर्षीय नवराज खालिङ राईको ज्यान गएको हो। बलबहादुर नेवारको घाँस राख्ने गोठमा चुरोटको कारण आगलागी भएको अनुमान गरिएको छ।

खालिङ विगत १५ वर्षदेखि बेवारिसे अवस्थामा बस्दै आएका थिए। घटनाबारे थप अनुसन्धान भइरहेको छ। खालिङको शव परीक्षणका लागि जिल्ला अस्पताल फाप्लु ल्याइएको छ।