धनगढी : कैलालीको धनगढीमा लागूऔषधसहित पाँच जना पक्राउ परेका छन् । धनगढी उपमहानगरका विभिन्न तीन स्थानबाट पाँच जनालाई पक्राउ गरिएको जिल्ला प्रहरी कार्यालय कैलालीले जनाएको छ ।
उपमहानगरको शिवनगरबाट सोही ठाउँ बस्ने १९ वर्षीय सुरज थापालाई ५० मिलिग्राम लागूऔषधसहित जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको छ ।
धनगढी उपमहानगरपालिका–९ बङग्राकटानबाट सोही ठाउँ बस्ने २६ वर्षीय डम्बर ठगुन्ना पक्राउ परेका छन् । उनलाई एक सय ३० मिलिग्राम लागूऔषधसहित पक्राउ गरिएको हो ।
यस्तै, धनगढी उपमहानगरपालिका–९ वडा कार्यालय नजिकबाट कञ्चनपुरको भीमदत्त नगरपालिका–१० बस्ने २६ वर्षीय तपेन्द्र पाली, धनगढी उपमहानगरपालिका–९ बस्ने २५ वर्षीय महेश ओड र धनगढी उपमहानगरपालिका–१८ बस्ने २७ वर्षीय नवल बोहरा पक्राउ परेका छन् । तीनै जनाको साथबाट १ ग्राम ९१० मिलिग्राम खैरो हेरोइन बरामद गरिएको छ ।
प्रतिक्रिया दिनुहोस्