के यसले तौल घटाउँछ ?

काठमाडौँ : सामाजिक सञ्जालको यो युगमा जुनसुकै कुरा लोकप्रिय हुन थाल्छ । आजकल डाइटको बारेमा एउटा कुरा भाइरल भइरहेको छ । यसलाई ३०-३०-३० डाइट भनिन्छ। 

यद्यपि यो पूर्ण आहार गाइड होइन, तर सामाजिक सञ्जाल प्रयोगकर्ताहरूले यो धेरै फाइदाजनक रहेको बताएका छन्। टिकटक मा ३०-३०-३० डाइटको छुट्टै खाता छ जसको लाखौँ फलोअरहरू छन्। भनिन्छ कि यसले तौल घटाउँछ र धेरै रोगबाट पनि बच्न सकिन्छ। सुन्दा ठुलो कुरा जस्तो लागे पनि त्यो होइन । यो गर्न धेरै सजिलो छ।

३०-३०-३० नियम के हो ?
यो नियम बिहान ओछ्यानबाट उठेपछि सुरु गर्नुपर्छ । यसमा बिहान ओछ्यानबाट बाहिर निस्कँदा ३० मिनेटभित्र प्रोटिनयुक्त ब्रेकफास्ट गर्नुपर्छ र त्यसको ३० मिनेटभित्र लो इन्टेन्सिटीदेखि हाई इन्टेन्सिटी एक्सरसाइज ३० मिनेट गर्नुपर्छ। लो इन्टेन्सिटीको अर्थ, पहिले केही व्यायाम बिस्तारै वा वार्मअप गर्नुहोस्, त्यसपछि छिटो गतिमा व्यायाम गर्नुहोस्। प्रोटिन ब्रेकफास्टको लागि, तपाईं अण्डा खान सक्नुहुन्छ वा ओट्स आदि उपभोग गर्न सक्नुहुन्छ।

के ३०-३०-३० डाइट ले वजन घटाउँछ ?
क्लिभल्याण्ड क्लिनिकको आहारविद् जुलिया जुम्पानोका अनुसार धेरै प्रयोगकर्ताहरूले यो डाइटले काम गर्ने बताउँछन् तर यसको कुनै वैज्ञानिक प्रमाण छैन । यस विषयमा अहिलेसम्म कुनै अनुसन्धान भएको छैन । तर यो आहारले केही फाइदाहरू हुन सक्छ। यसका धेरै कारण छन्। 

यदि तपाईँले बिहान बढी प्रोटिन लिनुभयो भने प्रोटिन पचाउन बढी समय लाग्छ। यस कारणले तपाईँलाई कम भोक महसुस हुनेछ। जब तपाईं बिहानको खाजामा प्रोटिन लिनुहुन्छ, तपाईं दिनभरि कम भोक महसुस गर्नुहुन्छ र तपाईँ कम खानुहुनेछ। 

यसले तौललाई नियन्त्रणमा राख्न सक्छ । तौल घटाउनको लागि, प्रायः धेरै प्रोटिन र कम कार्बोहाइड्रेट उपभोग गर्न सल्लाह दिइन्छ। अनुसन्धानमा यो प्रमाणित भएको छ कि प्रोटिन ब्रेकफास्ट गर्दा रगतमा चिनीको मात्रा कम हुन्छ र तपाईँले दिनभर कम खाना खानु हुन्छ, जुन तौल घटाउने राम्रो उपाय हो। यसले रक्तचाप कम गर्छ र रगतमा राम्रो कोलेस्ट्रोल बढाउँछ। 

३०-३०-३० डाइटमा एक्सरसाइज पनि गर्नुपर्छ, त्यसैले पनि फाइदा हुन्छ। यसले धेरै क्यालोरीहरू जलाउनेछ । यस्तो अवस्थामा यो फाइदाजनक हुनेछ तर यो जादु होइन।  यसका लागि दीर्घकालीन योजना बनाउनुपर्छ, जसका लागि पौष्टिक खाना र नियमित व्यायाम मात्र नभई पर्याप्त निद्रा र तनावमुक्त जीवन पनि आवश्यक हुन्छ ।