सुनको भाउ तोलामा १५ सयले घट्यो !

काठमाडौं : साताको पहिलो कारोबार दिन आइतबार सुनको भाउ घटेको छ भने चाँदीको भाउ स्थिर रहेको ।  नेपाल सुनचाँदी व्यवसायी महासङ्घका अनुसार यसअघिको तुलनामा सुनको भाउ तोलामा १५ सय रुपैयाँ घटेको हो । 

शुक्रबार छापावाल सुन तोलामा १ लाख ५३ हजार ५ सय रुपैयाँ थियो भने आज घटेर १ लाख ५२ हजार रुपैयाँ कायम भएको छ । यता, चाँदीको भाउ भने स्थिर रहेको छ । आज चाँदी प्रतितोला १ हजार ८१० रुपैयाँ कायम गरिएको छ ।