रंगीको टिजरमा छोरीलाई हुर्काउन एक पिताले गरेको सँघर्ष

काठमाडौं : श्रीमती टाढा भएपछि नावालिक छोरीलाई हुर्काउन एक पिताले गरेको सँघर्षको कथालाई संक्षिप्त रुपमा समेटिएको चलचित्र रंगीको टिजर सार्वजनिक गरिएको छ । यो चलचित्र अगाामी २ फागुनबाट रिलिज हुँदैछ । चलचित्रको रिलिज मिति नजिकिँदै गर्दा टिजर सार्वजनिक गरिएको यो चलचित्रको निर्माता एवम् अभिनेता सलोन बस्नेतले बताएका छन् ।

सलोनका अनुसार यो चलचित्रमा बाउ छोरीको मायालाई कथाको रुपमा प्रस्तुत गरिएको छ । छोराछोरीको उज्ज्वल भविष्यका लागि अभिभावकले गर्ने संघर्षको आरोह अवरोहलाई यो चलचित्रले पर्दामा प्रस्तुत गर्नेछ । चलचित्रमा सलोनको छोरीको रुपमा आयुषी ढकालको अभिनय छ । टिजरमा पनि यी दुईको कथा प्रस्तुत छ । यसमा सलोनले रेष्टुरेन्टबाट घरसम्म खाना पु¥याउने (फुड डेलीभरी ब्वाईको) भूमिका निवाह गरेका छन् ।

यो चलचित्रको अन्य कलाकारमा नम्रता श्रेष्ठ, दिलीप रायमाझी, उत्तम केसी, सुमिन गुरुङ, विशाल पहारीलगायत छन् । सुरेश न्यौपानेको डेब्यू निर्देशन रहेको यो चलचित्रको अन्य निर्मातामा सक्षम सुवेदी, करिश्मा केसी बस्नेत र अनिश गौतम रहेका छन् ।

चलचित्र रंगीमा सुमन गजमेरको लेखन, सौरभ लामाको छायांकन, दुर्गेश थापा, आमेश भण्डारी र भीम बिसीको संगीत, बन्दे प्रसादको सम्पादन, राजेन्द्र मोक्तानको रंग सँयोजन, कविराज गहतराज र शिशिर खातीको कोरियोग्राफी र केवलमान सिंह बस्नेतको प्रोडक्सन डिजाईन रहेका छ । यो चलचित्रलाई एप्पल इन्टरटेनमेन्ट, एफडी र रिच इन्टरटेनमेन्टले वितरण गर्दैछ ।