किशोरी अपहरण गर्ने कञ्चनपुरमा २ जना पक्राउ

कञ्चनपुर : कञ्चनपुरमा किशोरीलाई अपहरण गर्ने २ जना पक्राउ परेका छन । १६ वर्षीया किशोरीलाई अपहरण गरेर बन्धक बनाउने भीमदत्त नगरपालिका–१६ का ३५ वर्षीय महेशसिंह खत्री र सोही स्थानका ३३ वर्षीय धुर्व जोशीलाई प्रहरीले पक्राउ गरेको हो ।

उनीहरुले पुस १३ गते भीमदत्त नगरपालिका–६ स्थित शिव मन्दिर नजिकबाट किशोरीलाई मोटरसाइकलमा राखेर अपहरण गरेका थिए । अपहरणमा परेकी किशोरीको प्रहरीले पुस १४ गते भीमदत्त नगरपालिका–१६ वसन्तपुरबाट उद्दार गरेको थियो ।

प्रहरीले घटनामा सलग्न भएको आरोपमा अपहरणमा प्रयोग भएको बा ५५ प ९६१३ नम्बरको मोटरसाइकल सहित २ जनालाई पक्राउ गरेको जनाएको छ ।