बैतडीको प्रचलित परम्परागत छलिया नाच जोगाउन विद्यार्थीहरुले थालेका प्रयास

बैतडी : सुदूरपश्चिमका जिल्लाहरुमा प्रचलित परम्परागत छलिया नाच जोगाउन विद्यार्थीहरुले सक्रियता देखाएका छन् । पछिल्लो समयमा लोप हुने अवस्थामा रहेको छलिया नाच जोगाउन विद्यार्थीहरुले विभिन्न प्रयास थालेका हुन् । 

बैतडीको दशरथचन्द नगरपालिका-५ मा पर्ने दशरथचन्द मावि सुन्दरखालीका  विद्यार्थीहरुले विद्यालयको बार्षिकोत्सव समारोहमा छलिया नाच प्रदर्शन गरेका छन् । विद्यालयमा अध्ययनरत ७ जना विद्यार्थीहरुले समूह बनाएर छलिया नाच प्रदर्शन गरेको विद्यालयका प्रधानाध्यापक नरेन्द्रबहादुर चन्दले बताए । 

Seti Hospital

विभिन्न मांगलिक कार्यमा प्रदर्शन गरिने बाजागाजासहितको छलिया नाच लोप हुँदै गएका बेला विद्यार्थीहरुले गरेको प्रयास निकै सराहनीय रहेको उनले बताए । उनले भने,‘हाम्रो विद्यालयमा अध्ययनरत विद्यार्थीहरुले समूह बनाएर छलिया नाच प्रदर्शन गर्ने गरेका छन् । यसले संस्कृति संरक्षणमा महत्वपूर्ण योगदान पुगेको छ ।

सोमबार दशरथचन्द माविको ६८ औं बार्षिकोत्सवमा विद्यार्थीहरुले प्रस्तुत गरेको छलिया नृत्य आकर्षणको रुपमा रहेको थियो । छलिया नृत्य अवलोकनपछि सुदूरपश्चिम प्रदेशका पूर्व मुख्यमन्त्री राजेन्द्रसिंह रावलले विद्यार्थीहरुले प्रर्दशन गरेको छलिया नाचले संस्कृति संरक्षणमा योगदान गरेको बताए । उनले भने, ‘विद्यार्थीहरुे गरेको प्रयासबाट म निकै प्रभावित भएको छु ।

छलिया नाच सांस्कृतिक नाच भएकाले यसलाई संरक्षण गर्नुपर्नेमा पूर्व मुख्यमन्त्री रावलले जोड दिए । उनले भने,‘हाम्रो संस्कृति, परम्परा बचेमात्रै हाम्रो अस्तित्व बाँकी रहन्छ । त्यसैले पुरानो संस्कृति नयाँ पुस्ताले अनुसरण गर्नु अतिआवश्यक छ ।

कल २४ न्युजमा प्रकाशित सामग्रीबारे कुनै गुनासो, सुचना तथा सुझाव भए हामीलाई [email protected] मा पठाउनु होला । FacebookInstagram मार्फत पनि हामीसँग जोडिन सक्नुहुनेछ । हाम्रो YouTube च्यानल पनि हेर्नु होला ।

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Bhetenari ADD

समबन्धित समाचार