थाइल्याण्डको होटलमा आगलागी हुँदा ३ जनाको मृत्यु, सात घाइते

एजेन्सी : राजधानी बैंककको एक होटलमा आगलागी हुँदा तीन जनाको मृत्यु हुनुका साथै अन्य सात जना घाइते भएको स्थानीय दमकल विभागले जनाएको छ ।

सोमबार बैंककको लोकप्रिय ब्याकप्याकर क्षेत्र खाओ सान रोड नजिक रहेको ६ तले होटलमा राति करिव ९ः२१ बजे आगलागी भएको हो ।

पाँचौं तल्लाको कोठाबाट सुरु भएको आगलागीबाट एक विदेशी महिलाको तत्काल मृत्यु भएको थियो । घाइते दुई विदेशीको पछि अस्पतालमा मृत्यु भएको बताइएको छ ।

सात जना घाइतेमध्ये दुई जना थाई पुरुष र पाँच विदेशी रहेको स्थानीय दमकल विभागले जनाएको छ । होटललाई सुरक्षा निरीक्षणका लागि बन्द गर्न आदेश दिइएको छ । आगलागीको कारणबारे अनुसन्धान भइरहेको छ ।