डडेल्धुरा : डडेल्धुराका एक युवक कञ्चनपुरमा मृत फेला परेका छन् । आलिताल गाउँपालिका-५ गोलेथर बस्ने अन्दाजी २० वर्षीय कृष्ण खडायत कञ्चनपुरमा मृत फेला परेका कञ्चनपुर प्रहरीले बताएको छ ।
विवाहित खडायत परिवार घरबाट भारत जान्छौँ भनेर हिँडेका थिए । सीमानाकामा आवश्यक कागजात फेला नपरेपछि खडायतका श्रीमान श्रीमतीलाई फर्काइएको थियो । त्यसपछि उनीहरु कञ्चनपुरको पुनर्वास नगरपालिका-१० सिद्धदेवी टोलमा रहेको आफ्नो काकाको घर पुगेका थिए ।
मृतकको पारिवारिक स्रोतका अनुसार श्रीमान श्रीमतीको सामान्य झगडामा खडायतले पासो लगाएर आत्महत्या गरेको हुनसक्ने बताइएको छ । उनको शव पोस्टमार्टमको लागि सेती प्रादेशिक अस्पताल धनगढी लगिएको छ ।
प्रतिक्रिया दनुहोस्