रोकिराखेको ट्रकमा मोटसाइकल टोक्किँदा प्रहरी जवानको मृत्यु

दाङ : दाङमा लु१ख ९३५२ नम्बरको रोकिराखेको ट्रकमा लुम्बिनी प्रदेश ०१ ००२ प ११४८ नम्बरको मोटसाइकल टोक्किदा मोटरसाइकलमा सवार प्रहरी जवानको मृत्यु भएको छ ।

मृत्यु हुनेमा लमही नगरपालिका-४ भुरिपुर गाउँ घर भएका २६ वर्षीय गणेश चौधरी छन् । सोमबार बेलुका लमही नगरपालिका-६ पदमेनी सोता नजिकै दुर्घटना भएको थियो ।

दुर्घटनामा गम्भीर घाइते भएका उनको लमही अस्पतालमा उपचारको क्रममा मृत्यु भएको हो । प्रहरी जवान चौधरी वडा प्रहरी कार्यालय लमहीमा कार्यरत थिए । ट्रक चालकलाई प्रहरीले नियन्त्रणमा लिएको छ ।