बैतडीका उच्च लेकाली क्षेत्रहरुमा हल्का हिमपात

बैतडी : बैतडीमा हिमपात भएको छ । जिल्लाका उच्च लेकाली क्षेत्रहरुमा हल्का हिमपात भएको छ । सिगास, श्रीभावर, ढोल्यामोड,बाचपानी लगायतका क्षेत्रमा हिमपात भएको स्थानीयहरुले बताएका छन् ।

सोमबार राति हल्का वर्षासँगै हिमपात भएको सुर्नया–८ ढोल्यामोडका भानबहादुर बोहराले बताए । हिमपात भएसँगै चिसो बढेको छ । चिसोको समयमा बालबालिका र वृद्धवृद्धाहरुको स्वास्थ्यको ख्याल गर्नुपर्नेमा स्वास्थ्यकर्मीहरुले जोड दिएका छन् ।