झापा : चार केजी गाँजासहित एक युवती पक्राउ परेकी छन् । बुद्धशान्ति गाउँपालिका–३ मा ४ केजी प्रतिबन्धित लागुऔषध गाँजासहित २९ वर्षीया दुर्गा धिमाल पक्राउ परेकी हुन् ।
बुधबारे इलाका प्रहरी कार्यालयका प्रहरीले गएराति धिमालको घरमा खानतलासी गर्दा सुत्ने कोठाबाट ४ केजी गाँजा, नगद ३ लाख ६ हजार ८७० र भारु २ हजार ३ सय बरामद गरेको जिल्ला प्रहरी कार्यालयका सूचना अधिकारी कृष्णकुमार चन्दले बताए ।
घटनास्थलबाट गाँजा जोख्ने तराजु, ढक, लाइटर, प्याकेजिङ प्लास्टिक, चक्कु, कैची, अचानो र हथौडा बरामद भएको प्रहरीले जनाएको छ ।
प्रतिक्रिया दिनुहोस्