सुदूरपश्चिमका राज्यमन्त्री सवार गाडी दुर्घटना

धनगढी । सुदूरपश्चिम प्रदेश सरकारका आर्थिक मामिला राज्यमन्त्री प्रकाशबहादुर बम सवार गाडी दुर्घटना भएको छ ।

शनिबार भारतको पलियाबाट धनगढी फर्किने क्रममा गाडी दुर्घटना भएको हो । स्रोतका अनुसार राज्यमन्त्री सवार गाडी अर्को गाडीसँग ठोक्किएको हो ।

दुर्घटना दुधुवा टाइगर रिजर्भ क्षेत्रमा भएको स्रोतले बताएको छ । दुर्घटनामा घाइते भएकाहरुको धनगढीस्थित निसर्ग अस्पतालमा उपचार हुँदैछ ।