धनगढीको भादा गाउँमा थारु होमस्टे महोत्सव हुदैं

धनगढी- कैलालीको धनगढी उपमहानगरपालिका-१६ भादा गाउँमा थारु होमस्टे महोत्सव आयोजना हुने भएको छ । यही पुस १७ देखि २१ गतेसम्म महोत्सव आयोजना गर्न लागिएको आयोजक थारु होमस्टे गाउँ भादा पर्यटन विकास तथा व्यवस्थापन समितिले शुक्रबार पत्रकार सम्मेलनमार्फत जानकारी दिएको हो ।

महोत्सवमा थारु खानाका परिकार, थारु सीपकला तथा भेषभूषा, थारु देउथान अवलोकन, लहरुमा गाउँको अवलोकन, थारु सङ्ग्रहालयको अवलोकन, काठे पिङलगायत आकर्षणको रुपमा रहने बताइएको छ ।

थारु होमस्टे गाउँ भादाको प्रचारप्रसार एवम् प्रवर्द्धन गर्ने उद्देश्यका साथ महोत्सव आयोजना गर्न लागिएको आयोजकले जनाएको छ । भादामा सन् २०११ बाट होमस्टे सञ्चालनमा छ ।