फेरि बढ्यो अण्डाको भाउ, अब कति पर्छ ?

धनगढी । अण्डाको भाउ फेरि बढेको छ । केही दिनअघि मात्रै बढेको अण्डाको भाउ फेरि प्रतिक्रेट १५ रुपैयाँले बढेको हो ।

बिहीबार नेपाल लेयर्स कुखुरापालक संघले बढाएको अण्डाको भाउ शुक्रबारदेखि लागू हुनेछ ।

भाउ बढेसँगै अब मध्यम अण्डाको मूल्य प्रतिक्रेट ४ सय ८५ रुपैयाँ, ठूलो अण्डा प्रतिक्रेट ५ सय रुपैयाँ र एक्सएल अण्डाको मूल्य प्रतिक्रेट ५ सय १५ रुपैयाँ पर्ने भएको छ । यो किसानले पाउने मूल्य हो ।

यता किसानले पाउने मूल्य बढेपछि उपभोक्ताले पाउने मूल्य पनि बढेको छ । अब उपभोक्ता बजारमा अण्डा प्रतिगोटा २२ रुपैयाँ ५० पैसा पर्ने भएको छ ।