हङकङविरुद्ध नेपाल २२६ रनले विजयी

एजेन्सी : नेपाली यु १९ टोलीले हङकङविरुद्ध २२६ रनले विजयी भएको छ ।

एकदिवसीय अभ्यास शृंखला आफ्नो पक्षमा पारेको नेपालले फराकिलो जीत हासिल गरेको छ । मुलपानी क्रिकेट मैदानमा बुधबार नेपालले २२६ रनको सानदार जित दर्ता गरेको हो ।

जितसँगै नेपालले तीन खेलको शृंखलामा २.० ले अगाडि बढेको छ । पहिलो खेलमा नेपाल तीन विकेटले विजयी भएको थियो । नेपालले प्रस्तुत गरेको २९८ रनको लक्ष्य पछ्याएको हङकङ २९.४ ओभरमा ७१ रनमै समेटिएको हो ।

हङकङका कप्तान शिव माथुरले १६, अरेज दार र प्र्रित मोन्गुकियाले समान १४ रन बनाए भने नेपालका लागि दयानन्द मण्डलले चार, सिब्रिन श्रेष्ठ र अपराजित पराजुलिले समान दुई तथा सन्तोष यादव र नरेन भट्टले समान एक विकेट लिए ।

त्यसअघि टस जितेर ब्याटिङ रोजेको नेपालले निर्धारित ५० ओभरमा ९ विकेट गुमाउँदै २९७ रनको योगफल तयार पारेको थियो । शृंखलाका तेस्रो तथा अन्तिम खेलमा शुक्रबार हुनेछ ।