धनगढी : कैलालीबाट प्रहरीले करिब ६ लाखका आइफोन बरामद गरेको छ ।
बुधबार वडा प्रहरी कार्यालय धनगढीबाट प्रहरी निरीक्षक योगेश खत्रीको कमाण्डमा खटिएको प्रहरी टोलीले धनगढी उप–महानगरपालिका –२ चौराहबाट अन्दाजी ५ लाख ७० हजार बराबरका ११ वटा आइफोन मोबाईल बरामद गरेको हो ।
बुधबार नै धनगढी उप–महानगरपालिका – २ बाट प्रहरीले ८ हजार बराबरको साडीमा लगाउने मालाहरु बरामद गरेको जनाएको छ ।
यस्तै ईलाका प्रहरी कार्यालय हसुलियाबाट खटिएको प्रहरी टोलीले कैलारी गाउँपालिका –४ हनुमान मन्दिरबाट ४१ हजार ३ सय बराबरको सुर्ति र चकलेट बरामद गरेको जिल्ला प्रहरी कार्यालय कैलालीले जनाएको छ ।
मोबाइल लगायत सबै सामान प्रहरीले वेवारिसे अवस्थामा फेला पारेको जनाएको छ ।
प्रतिक्रिया दिनुहोस्