तोलामा दुई हजारले बढ्यो सुनको मूल्य

काठमाडौं : नेपाली बजारमा सुनको मूल्य एकैदिन दुई हजार बढेर कारोबार भएको छ ।

आज छापावाल सुन प्रतितोला एक लाख ५४ हजार २०० रुपैयाँमा कारोबार भएको हो । मंगलबार छापावाल सुन प्रतितोला एक लाख ५२ हजार २०० रुपैयाँमा कारोबार भएको थियो ।

आज चाँदीको मूल्य भने स्थिर छ । आज चाँदी मंगलबारकै मूल्यमा कारोबार भइरहेको छ । मंगलबार चाँदी प्रतितोला एक हजार ९२५ रुपैयाँमा कारोबार भएको थियो ।