बाजुरा : बाजुराको एक स्वास्थ्य चौकीमा आगलागी भएको छ । बाजुराको विकटमा पर्ने हिमाली गाउँपालिका–५ मा रहेको रुगीन स्वास्थ्य चौकीमा आइतबार दिउँसो आगलागी भएको हो ।
आगलागीबाट स्वास्थ्य चौकीको १० कोठे भवनसहित त्यहाँ रहेका सम्पूर्ण स्वास्थ्य उपकरण, औषधिलगायतका सामग्री जलेर नष्ट भएको गाउँपालिकाका निमित्त प्रमुख प्रशासकीय अधिकृत राजबहादुर भण्डारीले बताए ।
स्वास्थ्य चौकीमा रहेको भिडियो एक्सरे मेसिन, औषधि, ल्याबलगायतका स्वास्थ्य उपकरण, बर्थिङ सेन्टर, झण्डै एक करोड मूल्य बराबरका स्वास्थ्य सामग्री रहेकामा सबै जलेर नष्ट भएको खबर पाएको उनले बताए ।
स्वास्थ्य चौकीमा रहेको विद्युतीय उपकरण चलाउने बेला आगलागी भएको बुझिएको भण्डारीले बताए ।
प्रतिक्रिया दिनुहोस्