बाजुरामा जिप दुर्घटना हुँदा ७ जना घाइते, एक जनाको मृत्यु

बाजुरा : बाजुरामा स्कार्पियो दुर्घटना हुँदा एक जनाको मृत्यु भएको छ । बडीमालिका नगरपालिका-८ मा सुपप्र ०१-००१ च ४३१६ नम्बरको स्कार्पियो दुर्घटना हुँदा स्कार्पियोमा सवार कञ्चनपुरको भीमदत्त नगरपालिका-१७ की ३१ वर्षीया गायत्री पन्तको मृत्यु भएको हो ।

प्रहरीका अनुसार उनको घटनास्थलमै मृत्यु भएको हो । दुर्घटनामा अन्य ७ जना घाइते भएका छन् । जिल्ला प्रहरी कार्यालय बाजुराले घाइतेमध्ये भीमदत्त-१८ की ५२ वर्षीया राधिका भट्टको अवस्था गम्भीर रहेको बताएको छ ।

स्कार्पियोमा ५ जना सवार रहेका र स्कार्पियो अनियन्त्रित भई सडकबाट ८० मिटर तल खसेको बाजुरा प्रहरीले बताएको छ ।