जनकपुर बोल्ट्सले म्बिनी लायन्सलाई  दियो १३७ रनको लक्ष्य

काठमाडौं : काठमाडौंको कीर्तिपुरमा जारी नेपाल प्रिमियर लिग (एनपीएल) क्रिकेट प्रतियोगितामा जनकपुर बोल्ट्सले पहिलो जीतको खोजीमा रहेको लुम्बिनी लायन्सलाई १३७ रनको लक्ष्य दिएको छ । टस हारेर ब्याटिङको निम्तो पाएको जनकपुरमा ९ विकेटको क्षतिमा १३६ रन जोड्यो । 

जनकपुरले पहिलो विकेटका रुपमा छैटौं ओभरको तेस्रो बलमा ओपनर आशिफ शेखलाई गुमायो । १० बलमा २ चौका र १ छक्का हानेका आशिफ १६ रन बनाउँदा साद विन जफरको बलमा विवेक यादवको हातबाट क्याच आउट भए । 

एनपीएलमा डेब्यु खेल खेलिरहेका अविशेष गौतमले १३औं ओभरमा लगातार तीन विकेट लिए । उनले १३औं ओभरको दोस्रो बलमा २४ रन बनाएका लाहिरु मिलान्थलाई विकेट किपर अर्जुन साउदको हातबाट क्याच आउट गराए। सोही ओभरको चौथो बलमा हर्ष ठाकेरलाई १ रनमै दुर्गेश गुप्ताको हातबाट आउट गराए।