लुम्बिनी लायन्सले दियो पोखरा एभेन्जर्सलाई १७१ रनको लक्ष्य

काठमाडौँ : नेपाल प्रिमियर लिग (एनपीएल) अन्तर्गत लुम्बिनी लायन्सले पोखरा एभेन्जर्सलाई १७१ रनको लक्ष्य दिएको छ । टस जितेर पहिला ब्याटिंग गरेको लुम्बिनीले २० ओभरमा ५ विकेट गुमाउदै १७० रन बनाएको हो ।

लुम्बिनीका लागि कप्तान रोहित पौडेलले ५९ बलमा अविजित ९५ रन बनाएका थिए भने टम मोरेजले ४५, र सन्दीप जोराले १८ रन बनाएका थिए । त्यस्तै पोखराका विपिन खत्रीले २ विकेट लिएका थिए ।