भन्सार छलि गरि ल्याइएका सामान बरामद

धनगढी : कैलालीको धनगढीका विभिन्न स्थानहरूमा अबैध रूपमा भारतबाट भन्सार छलि गरि ल्याइएका सामानहरू प्रहरीले बरामद गरेको छ।

धनगढी उपमहानगरपालिका-२ शिसा पोष्ट, धनगढी उपमहानगरपालिका – ३ चटकपुर, र बिशालनगर क्षेत्रमा प्रहरी गस्ती टोलीले बेबारिसे अवस्थामा रहेका सामग्री नियन्त्रणमा लिएको हो।

जिल्ला प्रहरी कार्यालय कैलालीका अनुसार, बरामद गरिएका सामानहरू अन्दाजी ६२ हजार १७० रुपैया बराबरका रहेका छ्न । जसअन्तरगत चिनी, मिठाई, बिडी, सुर्ती, सरप, ट्याक्टरको साइड लाइट, साइकलको पाइडल र साइकलका पाना लगायतका सामग्रीहरू रहेका छन्।

प्रहरीले उक्त सामानहरू कानुनी प्रक्रियाअनुसार आवश्यक कारबाहीका लागि अघि बढाउने जानकारी दिएको छ।