धनगढी : प्रहरीले श्रृंखलाबद्ध रुपमा होस्टेल, कार्यालय, घरबाट ल्यापटप चोरी गर्ने दुई जनालाई पक्राउ गरेको छ।
पक्राउ पर्नेमा सुनसरी धरान उपमहानगरपालिका–१५ घर भई भोटेबाहल बस्ने हिमाल रसाईली, डडेल्धुरा भागेश्वर गाउँपालिका–१ घर भई काठमाडौं महानगरपालिका–२ बस्ने भोज बहादुर थलाल छन्।
उनीहरुले ललितपुर महानगरपालिका–३, ४, १० र १५ मा विभिन्न मितिमा गरेर २६ थान ल्यापटप चोरी गरेको खुल्न आएको छ। प्रहरीका अनुसार रसाईली यस भन्दा पहिला चोरी मुद्दामा ८ पटक र अभद्र व्यवहार मुद्दामा ५ पटक र थलाल १ पटक चोरी मुद्दामा कारवाहीमा परिसकेका हुन्।
दुवै जनालाई जिल्ला अदालत ललितपुरबाट म्याद थप गरी थप अनुसन्धान भइरहेको प्रहरीले जनाएको छ।
प्रतिक्रिया दिनुहोस्