धनगढी : लागूऔषधसहित तीन जनालाई प्रहरीले पक्राउ गरेको छ । कैलाली जिल्लाको टीकापुर नगरपालिका–९ खक्रौटाबाट सात ग्राम लागूऔषधसहित तीन जनालाई प्रहरीले पक्राउ गरेको हो ।
प्रहरी चौकी कालाकुण्डाका प्रहरी नायब निरीक्षक विशालदत्त भट्टको समूहले टीकापुर नगरपालिका–१ वनगाउँका २३ वर्षीय शिवम थापामगर, २७ वर्षीय विकास चौधरी र २७ वर्षीय विज्ञान शाहीलाई पक्राउ गरेको जिल्ला प्रहरी कार्यालय कैलालीका प्रवक्ता कबिन्द्र बोहराले जानकारी दिए ।
उनीहरुको साथबाट ७ ग्राम ५९० मिलिग्राम खैरो हेरोइन फेला परेको प्रहरीले जनाएको छ । पक्राउ परेका तीनै जना माथी आवश्यक अनुसन्धानभई कार्वाही प्रकृया अगाडि बढाएको समेत जिल्ला प्रहरी कार्यालय कैलालीले जानकारी दिएको छ ।
प्रतिक्रिया दिनुहोस्