एनपीएल : आज पहिलो खेलमा कर्णाली याक्स र काठमाडौँ गुर्खाज भिड्दै !

काठमाडौँ : कीर्तिपुरमा जारी नेपाल प्रिमियर लिग (एनपीएल) मा आज बुधबार दुईवटा खेल हुँदैछ । पहिलो खेलमा कर्णाली याक्स र काठमाडौँ गुर्खाज भिड्दैछन् ।

यो खेल बिहान ९ः१५ बजे सुरु हुँदैछ। दुवै टिम यसअघि आ–आफ्नो पहिलो खेलमा पराजित भएका थिए । काठमाडौँ आफ्नो पहिलो खेलमा चितवन राइनोजसँग ५ विकेटले पराजित भएको थियो । कर्णाली एक्स जनकपुर बोल्ट्ससँग ८ विकेटले हारेको थियो ।

दिउँसो १ः१५ मा सुरु हुने आजको दोस्रो खेल लुम्बिनी लायन्स र विराटनगर किङ्ग्स भिड्ने छन् । लुम्बिनीको यो पहिलो खेल हुनेछ । विराटनगर भने यसअघि लगातार दुईवटा खेलमा पराजित भएको छ ।